Forskúli verður aftur á Argjum

Tá freistin at tekna børn í forskúla í Skúlanum á Argjum var úti, vórðu bert 13 næmingar innskrivaðir. Tað er nóg mikið, tí kravið er í minsta lagi 12 næmingar.

Men Jóan Petur Hentze, trivnaðarstjóri í Tórshavnar kommunu, væntar, at fleiri næmingar verða teknaðir til forskúlan á Argjum, tá tað líður út á várið.

Ein tørvskanning, sum kommunan læt gera, vísir, at helvtin av foreldrunum vil hava børnini í forskúla, men tað veldst um, hvar í býnum skúlatilboðið er. 

Skúlin á Argjahamri er í útriðuni, og tí er avmarkað, hvussu nógvar næmingar hann fær.

Sí samrøðu við Jóan Petur Hentze, sum var gestur í Degi og Viku.