Fjarundirvísing fyri útlendingar byrjar aftur

Nú byrjar fjarundirvísingin aftur fyri útlendingar, ið vilja læra føroyskt. Á Føroyamálsdeildini verður skipað fyri fjarundirvísing fyri útlendingar í tíðarskeiðnum frá februar og tríggjar mánaðir fram, skrivar setur.fo

Skeiðið telur 10 ECTS, og til ber at taka Faroese for Foreigners I og Faroese for Foreigners II. Undirvísingin verður soleiðis, at lesandi fara at hava níggju klassatímar; restin er fjarundirvísing.

Í fjarundirvísingini fáa lesandi hvørja viku uppgávur, sum tey skulu gera og lata inn. Afturat hesum verða aðrar uppgávur, ið tey skulu gera. Hetta er triðja árið, at Føroyamálsdeildin bjóðar út slíka undirvísing, og er hon treytað av næmingatali.

Í ár hava 12 teknað seg. Hesi skulu rinda 2500 krónur fyri skeiðið. Ábyrgd av skeiðnum hevur Hjalmar P. Petersen, og Lena Reinert fer at undirvísa og taka sær av at rætta uppgávurnar.