Tvey føroysk nøvn á Spot

Danski tónleikafestivalurin Spot, sum heldur til í Århus, hevur í dag kunngjørt 15 nýggj nøvn, og millum hesi eru tvey føroysk. 

Tað verða tey bæði Eivør og Marius Ziska, sum koma at umboða føroyskan tónleik á danska/norðurlendska festivalinum í vár. 

Bæði Eivør og Marius Ziska geva hesa vikuna nýggja útgávu út, so áhoyrarirnir koma at hoyra bæði nýtt og gamalt á festivalinum.

Les eisini: Føroyskur tónleikur á veg

Hetta er ikki fyrstu ferð, at føroyingar spæla á Spot festivalinum. Í 2009 spældi ORKA, har Eivør eisini var við, í 2013 spældu Benjamin og Hamferð, og í 2014 spældu Dánjal og Byrta.

Afturat føroysku Eivør og Marius Ziska, verða nøvn sum Mendoza, Julias Moon og Baby In Vain eisini at hoyra á ársins Spot festivali. 

Sí brot frá konsertini hjá ORKA á Spot festivalinum 2009 niðanfyri.

Les meira um Spot festivalin her.