- Tíðindi, mentan og ítróttur
NemID: Hugsa fyrst og fremst um trygdina
-Vit hugsa fyrst og fremst um trygdina í netbankanum. Myndugleikarnir mugu taka diskusjónina um talgilda undirskrift til føroyingar.
Tað sigur Janus Petersen, formaður í felagnum hjá føroysku peningastovnunum, nú danska skipanin NemID verður tikin í nýtslu í Føroyum.
Hóast talgilda undirskriftin er partur av NemID, so verður hesin parturin ikki við, tá føroyskir netbanka-brúkarar skulu hava NemID.
Á fíggjarlógini í ár eru tilsamans tríggjar milliónir settar av til at kanna, fyrireika og gera eina yvirskipaða ætlan fyri talgildingini av samfelagnum næstu árini. Í hesum kanningararbeiði liggur eisini spurningurin um talgildu undirskriftina.
Tað arbeiðið má bara ganga sína gongd, sigur Janus Petersen, nú peningastovnarnir av sínum eintingum seta í gildi skipanina við NemID.
Tak niður
Sí eisini