Fiskað 18.000 tons av lodnu í íslendskum sjógvi

Føroyingar hava higartil fiskað 18.000 tons av lodnu í íslendskum sjógvi í ár. Kvotan er 30.000 tons.

Fimm føroysk skip hava fiskað lodnu.

Í gjár vóru Finnur Fríði og Jupiter við lodnu á Fáskrúðsfirði á Eysturlandinum. Sambært Varðanum var hetta seinasti lodnutúrur hjá Jupiter á hesum sinni. 

Teir royndu við nót í Breiðafirði, norðan fyri Faxaflógvan, og høvdu 1500 tons. 

Viðrað illa

Tað hevur viðrað illa í Íslandi, og Jupiter fór norður um Ísland til Fáðskrúðsfjarðar.

Jupiter gjørdi fýra lodnutúrar í ár. Jupiter landaði tvær ferðir á Tvøroyri og tvær ferðir í Íslandi.

Jupiter fer nú at fiska svartkjaft.