Landssjúkrahúsið kallar inn við Mínari boks

Landssjúkrahúsið fór í gjár eisini at brúka Mínaboks at senda fólki, sum skulu til forkanningar og eftirkanningar í ortopedi, innkallingina í Mínaboks. 

Í fjør fór Landssjúkrahúsið undir at senda innkallingar til endoskopi í MínaBoks. Tað riggar væl, upplýsir Landssjúkrahúsið. 

Men kravið er ikki at hava Mínaboks fyri at fáa boð frá Landssjúkrahúsinum.

Hava fólk ikki Mínaboks, sendir Talgilda heilsuskipanin fólki vanligt bræv við postinum.

Skipanin við Mínariboks fer í ár at verða sett í verk í stigum á fleiri økjum hjá Landssjúkrahúsinum, tí ætlanin er at sjúkrahúsið skal gerast pappírsleyst, eisini í samskiftinum við fólk.

Seinni í ár er ætlanin, at fólk eisini fáa sms-boð, eina áminning, um at koma til viðtalu.