Takið burturkast við tykkum aftur

Danski náttúrufriðingarfelagsskapurin og danska djóraverndarfelagið varpa í hesi vikuni ljós á burturkast í náttúruni, og á at fólk skulu taka burturkast við sær. 

Burturkast í náttúruni er til stóran vanda fyri djórini. 

Sum dømi verður millum annað nevnt eitt fuglanev, sum er vavt inn í plastikk.

Vit taka ikki burturkast við okkum

Nú summarið stundar til, fara vit alsamt oftari út í náttúrna at hugna okkum. 

Men sambært felagsskaprinum stroya vit um okkum við burturkasti.

Og avleiðingin av nógva burturkastinum er sjónlig, skrivar danska djóraverndarfelagið.

Tað rakar djórini

Trupulleikin við burturkasti í náttúruni sæst eitt nú við, at elastikk sita føst rundam um fiskar og eisini um hálsin á fugli, og bein og veingir á fugli eru vavd inn í snøri og subbar av neilon og gørnum.

Og úrslitið verður tað sama, - at fuglurin doyr spakuliga og pínufult, sigur Michael Carlsen, lívfrøðingur hjá djóraverndarfelagnum.

Ikki frægari í Føroyum

Nú er hetta eitt danskt tiltak, men hvussu stórur er trupulleikin í Føroyum? Hesum spurningi svarar Ragna Maja Kruse, forkvinna í Djóraverndarfelagnum. Hoyr samrøðuna.