Danmark verður partur av ES-bankaeftirlitinum

JyllandsPosten skrivar, at ES hevur sett sær fyri at hava neyvari eftirlit við størstu bankunum og fíggjarfyritøkunum í samveldinum.

Eftirlitið fer at hava skrivstovu í bygninginum hjá Europeiska miðbankanum í Frankfurt, sum hevur virkað síðani í november í fjør.

Eftirlitið hevur havt eftirlit við øllum bankum sum eru í skipanini og við 130 teimum størstu fíggjarfyritøkunum.

Um bankarnir koma í neyð

Samstarvið hevur felags skipan fyri, hvat skal gerast við bankar sum koma í neyð.

Næstu átta árini skal grunnur skipast, sum bankarnir sjálvir skulu rinda til, og pengarnir skulu nýtast til at rinda fyri ein banka sum fer av knóranum.

Endamálið er at tryggja trupulleikar hjá europeiskum bankum í framtíðini, ikki fara at merkja vanliga viðskiftafólkið, statskassarnar, ella evruna.

Standa seg betur í kreppum

Eygað verður serliga hildið við stóru bankunum, sum kunnu fáa avgerandi týdning fyri londini, sum teir virka í. Teir skulu vera betri fyri at standa seg í kreppum sum koma í framtíðini.

Øll 19 ES londini, sum eru við í samstarvinum um evruna, skulu vera við í nýggju skipanini.

Hini ES londini, sum ikki eru við í verusamstarvinum, kunnu vera við í hesum serliga samstarvinum, men tey kunnu eisini taka seg burturúr aftur samstarvinum eftir serligum treytum, stendur í avtaluni sum ES-londini hava gjørt.