Gunvør spyr um útreiðslur til heilivág

Hvussu stórar útreiðslur hevði heilusverkið av heilivági í 2005, í 2010 og í 2015?

Tað vil Gunvør Balle, tingkvinna fyri Tjóðveldi, hava at vita frá Karsteni Hansen, landsstýrismanni í heilsumálum. 

Tað er nógva umrøðan av vaksandi útreiðslum í heilsuverkinum, sum hevur fingið tingvkvinnuna at seta grein 52 fyrispurning. 

Gunvør Balle vísir í viðmerkingunum á, at landsstýrismaðurin hevur biðið um eykajáttan, tí útreiðslurnar til heilivág eru hækkaðar við 14 prosetnum í 2014, og útreiðslurnar væntast at hækka enn meira í 2015. 

Tað er staðfest, at nógvar sjúkur, sum verða staðfestar í føroyska heilsiverkinum, eru sonevndar lívsstílssjúkur. Tí undrar tað Gunvør Balle, at heilsuverkið ger so lítið fyri at vísa á ábyrgd og evni hjá fólki at fyribyrgja og møguliga lekja hesar sjúkur. 

Á tann hátt kundui verið minkað um útreiðslurnar til heilivág, heldur Gunvør Balle.