Tollmálið í landsrættin 29. og 30. september

Tollmálið kemur til viðgerðar í Eystara landsrætti í heyst.

Tað er greitt, nú landsrætturin hevur sett tveir dagar av til málið.

Rættarfundir verða 29. og 30. september.

Tað var 25. februar, at trý starvsfólk í Kringvarpinum - Dia Midjord, stjóri, Liljan Weihe, tíðindaleiðari, og Jan Lamhauge, journalistur -  og táverandi redaktørurin á Portalinum, Sveinur Tróndarson, vórðu dømd fyri at hava ærumeitt Jørgen Niclasen, landsstýrismann, í miðlaumrøðuni av tollmálinum.

Tey kærdu øll dómin til landsrættin, sum nú hevur ásett dagarnar, tá málið skal viðgerast. Tey eru eisini biðum um at senda landsrættinum trý málskjalaavrit, sum skulu nýtast í rættarmálinum. 

Freistin at lata skjølini inn er 21. september. Tað er eina góða viku fyri, at málið kemur til viðgerðar í landsrættinum