Onki 6 mannafar við kvinnum

Ársins fyrsti FM róður verður á norðoyastevnu um vikuskiftið, og fyri fyrstu ferð verður ongin róður við 6 mannaførum við kvinnum

Ongar kvinnumanningar eru til Hvessing og onnur 6 mannafør í kappróðri í ár.

Mynd: KVF

Solby Christiansdóttir

04.06.2015 - 11:11

Fyrsti FM kappróðurin í ár verður um vikuskiftið á norðoyastevnu í Klaksvík. 39 vaksnar manningar og 16 barnamanningar hava boðað frá luttøku. Hetta talið áleið tað sama sum seinastu árini, men ein merkisverd broyting er tó, tí at ongin manning luttekur í 6 mannaførum hjá kvinnum. Kvinnuróðurin byrjaði í 1983, og hevur verið róð á hvørjum ári í hesi bátastøddini við kvinnum.

Bert ein manning

Talið á manningum í kappróðrinum hevur verið dalandi seinastu árini, men hetta er fyrstu ferð, at ein bátastødd als ikki er umboðað. Jan Herman Hansen, formaður í Róðrarsambandi Føroya, var gestur í 3-2 fyri trimum vikum síðani, og tá váttaði hann, at tað sá svart út hjá 6 mannaførum við kvinnum.

- Mær vitandi er tað bara Sundabáturin, sum er mannaður, og eg hoyrdi í kvøld, at tær ætla sær at finna eitt 5 mannafar, um ikki fleiri 6 mannafør koma, segði Jan Herman Hansen við 3-2 18. mai.

Beinleiðis sending

Og tað er altso leygardagin, at tað fyri fyrstu ferð verður róð kapp uttan 6 mannafør við kvinnum. Til ber at fylgja við kappróðrinum í útvarpinum og at stroyma róðrarnar beinleiðis her á heimasíðuni, her eitt leinki verður lagt út leygardagin.

Startrøðin á norðoyastevnu er hendan, barnaróðurin byrjar klokkan 13.00, og tey vaksnu byrja klokkan 15.00:

Barnaróður, dreingir

6 Svanur

7 Royndin Fríða

8 Ternan

9 Havfrúgvin

10 Ørnin

11 Jallurin

12 Tekla

Barnaróður, gentur

5 Strípan

6 Dúgvan