Víkingur ímóti Rosenborg

Fleirfaldaðu norsku meistararnir í fótbólti, Rosenborg, vitja Føroyar í summar.

Lutakastið um evropeisku kappingarnar hevur verið í Geneve í dag, og har varð greitt, at Víkingur skal spæla ímóti Rosenborg í innleiðandi umfarinum í Euro League kappingini.

Trý onnur feløg vóru eisini við í lutakastinum í dag. Føroyameistarin, B36, skal spæla ímóti The New Saints úr Wales í Champions League undankappingini.

Í Euro League kappingini skal NSÍ skal spæla ímóti Linfield úr Norðurírlandi, og HB skal spæla ímóti FC Trakai úr Litavia.