Gøta vaknar

Hundar sova í grasinum, børn spæla 'stóra alda kom' á sandinum,  og ein maður fyllir bensin á sláimaskinuna. Tað tykist næstan óveruligt, at tær smalu gøturnar í Syðrugøtu skjótt verða fyltar við festivalgestum. 

Nógv rigga enn til og mála skeltir til teir ymsu básarnar, meðan onnur slappa av í heitu pottunum, áðrenn dagurin veruliga byrjar. 

Men knappliga runga funky tónarnir hjá Punjab ígjøgnum bygdina, fólk savnast á spæliplássinum, og tað er púra greitt, at G! 2015 er byrjað.