Grindalógin kortini ikki roynast í dag

Grindalógin kortini ikki roynast í dag
Rættarfundurin, sum skuldi vera klokkan hálvgum tíggju í dag, verður sum skilst ikki fyrr enn fyrst í august
 
23.07.2015 - 10:48

Hetta tí politiið ikki er liðugt at kanna málið.

Tvey fólk hjá Sea Shepherd eru skuldsett fyri at bróta nýggju grindalógina. Tey vórðu tikin í Kalsoyarfirði mánamorgunin.

Tá politiið avhoyrdi tey mánadagin noktaðu tey seg sek og noktaðu eisini at svara, tá politiið avhoyrdi tey.

Tá avhoyringin var liðug seinnapartin mánadagin, vórðu fólkini latin leys og mál teirra latin ákæruvaldinum, sum avger, um málini skulu leggjast fyri Føroya rætti.

Sea Shepherd fólkini, ein 31 ára maður úr Týsklandi og ein 40 ára gomul kvinna úr USA, eru skuldsett fyri at bróta grein 9 í nýggju grindalógini, tað er fyri ikki at gera eftir boðunum frá sýslumanninum, tá roynt varð at fáa rakstur á eina grind í Kalsoyarfirði mánamorgunin.

Báturin, sum tey bæði fólkini vóru í, varð eisini tikin. 

Kvinnan verður kortini avhoyrd í Føroya rætti í dag, tí hon skal av landinum fyrsta dagin.

Er kopiera
Nýggjastu sendingar í ÚV
Týsdag 17. november
Vitan
216375
Týsdag 17. november
Vitan
216297
Mánadag 16. november
Norðurljóð 16.november 2026
215027
Nýggjastu sendingar í SV
Týsdag 17. november
Veðrið
216565
Týsdag 17. november
Dagur og vika við 3-2 - teknmálstulkað
216520
Mánadag 16. november
Veðrið
216486
Mánadag 16. november
Bygdarliv 4 – Eiði
216470
Sunnudag 15. november
Møti hjá Brøðrasamkomuni.
216442

Annað frá KVF