Dýrt at bróta grindalógina

Dýrt at bróta grindalógina
Ákæruvaldið krevur 25.000 kr í bót frá hvørjum av teimum fimm Sea Shepherd fólkunum, ið vórðu ákærd fyri at bróta grindalógina í Bø og Havn 24. juli
Tað skal kosta teimum fimm fólkunum 25.000 krónur í part fyri at bróta grindalógina, tá grind varð hildin til í Bø (myndin) og í Havn seinni á kvøldi 24. juli, krevur ákæruvaldið
 
05.08.2015 - 12:59

Tá Vinnunevndin hjá løgtinginum skrivaði álit um uppskotið um grindalóg, helt meirilutin í nevndini, at bótin fyri at bróta lógina eigur at vera í minsta lagi 25.000 kr., skal hon gera nakran mun.

Føroya rættur viðgjørdi málini hjá teimum fimm Sea Shepherd fólkunum allan dagin í gjár og nakað út á kvøldið. Ákærdu fólkini nokta seg sek í at hava órógvað grindadrápini og ikki at hava gjørt eftir boðunum frá myndugleikunum.

Krevja minst 100.000 frá felagsskapinum

Ákæruvaldið krevur eisini minst 100.000 kr. frá Sea Shepherd í Niðurlondum, tí leiðarin hjá Sea Shepherd á landi í Føroyum fekk innferðarloyvi, visum, gjøgnum ta deildina.

Rosie Kunneke, sum er leiðari hjá Sea Shepherd fólkunum, sum virka á landi í Føroyum, er úr Suðurafrika, og skal tí hava innferðarloyvi fyri at sleppa til Føroya.

Hini fýra fólkini, sum vóru í rættinum í gjár, eru úr ES londum. Dómur fellur í málinum fríggjadagin klokkan 15:00.

Er kopiera
Nýggjastu sendingar í ÚV
Mánadag 17. mars
Stuttligar søgur úr gomlu Havnini
189339
Mánadag 17. mars
NSÍ er tjekkað inn
189329
Mánadag 17. mars
Morgunlestur mánadagur 17.mars 2025
189183
Sunnudag 16. mars
Doktor Sophus (3:3)
189274
Sunnudag 16. mars
Doktor Sophus (2:3)
189272
Nýggjastu sendingar í SV
Sunnudag 16. mars
Andakt - Pól í Skorini
189301
Sunnudag 16. mars
Hondbóltur: Niðurlond - Føroyar
189292
Leygardag 15. mars
Dagur og vika - teknmálstulkað
189238
Fríggjadag 14. mars
Veðrið
189226