- Tíðindi, mentan og ítróttur
Svimjisambandið: Pál snýttur fyri finalupláss
Svimjisambandið: Pál snýttur fyri finalupláss
Svimjisamband Føroya fer at mótmæla, at Pál Joensen ikki slapp at svimja finalu á 1.500 metra teininum í heimsmeistsrastevnuni í Kazan
![](https://kvf.fo/sites/default/files/styles/grein-ovasta-mynd/public/pal_joensen_2.jpg?itok=aMaC2L7h)
Pál Joensen varð snýttur fyri finalupláss, tá ein kinesiskur svimjari gav avboð í heimsmeistarastevnuni í Russlandi um vikuskiftið, sigur Svimjisambandið, sum nú fer at mótmæla
10.08.2015 - 12:33
Pál megnaði ikki at vinna seg í finaluna, men tá Sun Yang úr Kina gav avboð og ikki møtti til finaluna, átti plássið at verið latið Páli Joensen, sum var næstur á listanum.
Men Pál Joensen varð ongantíð boðsendur, og tað átti at verið gjørt sambært reglunum, sigur Rókur í Jákupsstovu, formaður í Svimjisambandinum, við heimasíðuna, svimjing.com
Svimjisamband Føroya mótmælti á staðnum, men tað broytti einki. Tí er eitt eftirspæl væntandi, og Svimjisamband Føroya fer at mótmæla og kæra avgerðina hjá fyriskiparunum, skrivar svimjing.com
Nýggjastu sendingar í ÚV
Nýggjastu sendingar í SV