Randarsól skal stýra Økistænastuni í Sandoynni

Borgarstjórarnir í Sandoyar sýslu, t.e.fyri Skúgvoy og Sandoy, hava sett Randarsól Kristiansdóttir í starv sum leiðara fyri Økistænastuni í sýsluni.

Randarsól Kristiansdóttir fær ábyrgdina av øllum ellis- og røktarheimum í sýsluni.

Hon tekur við eftir Ásu Davidsen, sum fyri tveimum mánaðum síðani segði seg úr starvi. Hesa tíðina hevur Jóhanna Reinert Hansen røkt starvið. 

Randarsól Kristiansdóttir hevur millum annað útbúgving heilsrøktari, og hon hevur eisini skeið í leiðslu. Hon hevur eitt skifti arbeitt sum leiðari á ellis- og røktarheimi í Danmark.

Randarsól Kristiansdóttir tekur við starvinum hálvan oktober.

Fýra umsóknir vóru til starvið.