- Tíðindi, mentan og ítróttur
Noktar seg sekan: Ákærdur fyri heimildarsvik
Noktar seg sekan: Ákærdur fyri heimildarsvik
Ein fyrrverandi býráðslimur í Havn er ákærdur fyri heimildarsvik, tá hann var leiðari fyri Frítíðarskúlan í Hoyvík og Klub 188 í Hoyvík
Ein fyrrverandi leiðari í Frítíðarskúlanum í Hoyvík er ákærdur fyri heimildarsvik, tá hann var leiðari í frítíðarskúlanum. Ákærdi maðurin noktar seg sekan
21.10.2015 - 12:27
Rættarfundur er í løtuni, og maðurin er ákærdur fyri at hava flutt kvinnuni, hann tá búði saman við, og sum var reingerðarfólk, 86.000 krónur ov nógv í løn frá mai 2012 til desember 2013.
Við frítíðarløn og øllum gjøldum er samlaða upphæddin 109.000 krónur. Kvinnan hevur eftir avtalu við Tórshavnar kommunu goldið 60.000 krónur aftur, og maðurin er kravdur eftir restini, 49.000 krónur.
Maðurin noktar seg sekan, tí hann sigur, at einki er skjalprógvað. Útvarpið skilir, at ákæruvaldið fer at krevja treytaðan dóm og samfelagstænastu.
Kvinnan, sum fekk lønina, varð eisini skuldsett fyri at hava verið í heimildarsvikinum, men skuldsetingin móti kvinnuni varð tikin aftur.
Er kopiera
Nýggjastu sendingar í ÚV
Nýggjastu sendingar í SV
