- Tíðindi, mentan og ítróttur
Vit hoyra um Vitello, og hendan søgan eitur "Vitello ynskir sær ein hund". Vitello fær nógv hugskot, summi eru góð, summi eru minni góð. Hugskotið um, at hann skal hava ein hund, er helst eitt av hansara bestu hugskotum. Men tað heldur mamman tíverri ikki. Hon vil yvirhøvur ikki hoyra talan um nakran hund. Men um tú ikki kanst fáa ein hund, so kanst tú bara vera ein sjálvur.
Kim Fupz skrivaði. Sjúrður Gullbein týddi til føroyskt. Jensina Olsen lesur, og Dánjal Tavsen gjørdi ljóðmyndina.
Her kunnu tit lurta eftir ymiskum søgum um kúllin Vitello.
Her er millum annað søgan um, tá ið Vitello skøvaði ein bil, tá ið hann hitti eina ólekkra gentu, og tá ið hann fær ein fosturpápa.
Kim Fupz Aakeson hevur skrivað søgurnar um Vitello, og Sjúrður Gullbein týddi til føroyskt. Jensina Olsen lesur, og Dánjal Tavsen gjørdi ljóðmyndina. Bókadeild Føroya Lærarafelags hevur útgivið.
