- Lógin er í stríð við javnstøðulógina

- Lógin er í stríð við javnstøðulógina
Lógin um barsilsskipan er í stríð við eina aðra lóg, javnstøðulógina, sigur BLF, felagið hjá búskapar- og løgfrøðingum í Føroyum
Lógin um barsilsskipan er í stríð við javnstøðulógina. Tað sigur Búskapar- og løgfrøðingafelagið, BLF, í hoyringarskrivi
 
24.11.2015 - 09:01

Lógin um barsilsskipan er í stríð við eina aðra lóg, javnstøðulógina. Tað sigur Búskapar- og løgfrøðingafelagið, BLF, í hoyringarskrivi um uppskotið hjá landsstýrinum um at broyta barsilsskipanina.

Felagið tekur undir við uppskotnu broytingunum. Men so leggur felagið afturat, at tað vil nýta hetta høvið at vísa á, at ásetingarnar í lógini um barsilsskipan eru í stríð við ásetingarnar í javnstøðulógini.

Endamálið við javnstøðulógini er at beina burtur allan mismun vegna kyn. BLF sigur, at flokkar í samgonguni hava leingi havt javnstøðu sum hjartamál. Teir hava fleiri ferðir nýtt høvið at vísa á javnstøðutrupulleikarnar í galdandi barsilsskipan, tá lógin fyrr hevur verið til viðgerðar.

Halda galdandi lóg byggir á gamla fatan av kynunum

BLF mælir landsins myndugleikum til at gera sítt til at tryggja báðum kynum eins rættindi á arbeiðsmarknaðinum, tað er at fara burtur frá skipanum, sum eggja kvinnum at vera heima hjá børnunum, meðan maðurin heldur fram at arbeiða.

Galdandi lóg um barsilsskipan er greitt dømi um skipan, sum byggir á gamla fatan um lutin hjá kynunum, og greitt ger mun á teimum, sigur felagið hjá búskaparfrøðingum og løgfrøðingum.

Búskapar- og løgfrøðingafelagið er sannført um, at kvinnur og menn eiga at hava javnbjóðis rætt til pening úr Barsilsskipanini, og mælir til, at lógarbroytingin, sum nú skal gerast, leggur upp fyri tí.

Er kopiera
Nýggjastu sendingar í ÚV
Sunnudag 2. februar
Bolero - Clara Schumann
187200
Sunnudag 2. februar
Guðstænasta í Kirkjubøar kirkju
187197
Leygardag 1. februar
Plátupanelið #026 (1985)
187182
Leygardag 1. februar
Jambalaja - 010225
187181
Nýggjastu sendingar í SV
Sunnudag 2. februar
Ítróttafagnaðurin 2024
187188
Sunnudag 2. februar
Guðstænasta úr Kirkjubøar kirkju
187196
Fríggjadag 31. januar
Veðrið
187155
Hósdag 30. januar
Heim, kæra heim 2:3
187109