Sigla heim av Flemish Cap fyrsta dagin

Føroysku línuskipini á Flemish Cap hava framvegis góðan fiskiskap, upp í 10 tons um samdøgrið, og gongst sum ætlað fara øll skipini væntandi at sigla heim fyrsta dagin. 

Í løtuni royna Ågot, Klakkur, Kambur og Eivind á Flemish Cap, og øll hava landað ein túr í Saint Pierre. 

Tað mesta, skipini fáa, er toskur.

14 mans eru við Ågot, og yvirhøvur hevur viðrað væl, sigur Kristian Olsen, stýrimaður.

Meiri verður at frætta í útvarpstíðindunum klokkan 18.