Tunnilin brot á byggisamtyktina

Zakaris Wang, sum er fyrrverandi formaður í ráðgevandi nevndini hjá Tórshavnar býráð fyri Hoyvík og Hvítanes, hevur kært til Kærnevndina í lendismálum um at Tunnilsfelagið, sum ger tunnilin millum Eysturoynna og Streymoynna, ger annan tunnilsmunnan á Hvítanesi.

Zakaris Wang var býráðslimur í Tórshavnar kommunu frá 1981 til 1988 og var sjálvur við til at gera byggisamtyktina fyri Hvítanes.

Sambært byggisamtyktini er tað bara loyvt at byggja sethús á økinum, har tunnilsmunnin nú verður gjørdur, og er ikki loyvt at hava nakað virksemi á økinum "sum við royki, gangi, ella við útsjónd síni ella á annan hátt eftir meting býráðsins kann vera teimum, sum uttan um búgva, til ampa."

Zakaris Wang heldur, at innkoyringarvegurin til tunnilsmunan er greitt brot á byggisamtyktina.