Samarittarnir gevast

- Vit vilja við hesum vísa okkara fulla stuðul til bjargingarfeløgini og onnur sjálvboðin í Føroyum, sum hava steðgað sínum trygdarvirksemi, siga samarittanir í fráboðan.

Havnar Bjargingarfelag og Landsfelagið fyri føroysk bjargingarfeløg hava mist tolið við tilbúgvingarmyndugleikunum.

Bjargingarbáturin Lív verður ikki flotaður aftur, fyrr enn tryggingarviðurskiftini hjá manningini eru batnað.

SÍ EISINI Mist tolið: Bjargingarbáturin Lív lagdur

Nú hava samarittarnir boðað frá, at teirra sjálvbodna arbeiði verður ikki tikið uppaftur, fyrr enn tryggingarviðurskiftini eru komin í rættlag.

Samarittarnir veita sjálvbodna hjálp á festivalum, stevnum, ítróttartiltøkum og øðrum tiltøkum.

Tey, sum hava teknað serstaka trygging fyri samarittarnar, verða kortini ikki rakt av arbeiðssteðginum.