Sildarok á Skálafjørðinum

Seinastu árini hevur lítil og eingin várgýtandi sild verið at fáa millum oyggjarnar. Men okkurt bendir á, at sildin nú er aftur. Fyrr í vikuni var Jack Højgaard og royndi við gørnum á Skálafjørðinum. Og, sum myndirnar vísa, vóru gørnini full av sild. Tilsamans vóru 3.000 pund av várgýtandi sild í gørnunum hendan dagin.

Síðst í sekstiárunum var vanligt at seta sildagørn á Skálafjørðinum og fleiri bátar vóru útgjørdir at royna við gørnum. Men síðani sjeytiárini hevur stóra várgýtandi sildin verið burturi. Hví, veit eingin. Heldur ikki fiskifrøðingarnir.