Óli og Frans gull í Danish Open

Føroyskir svimjarar hava higartil fingið sera góð úrslit í Danish Open.

Óli Mortensen hevur vunnið gull í 800 metra frísvimjing. Tíðin hjá Óla var 8.10.94.

Frans Johannesen vann eisini gull. Frans kom fyrst á mál í 200 m. blandað finaluni. Tíðin hjá Frans var 2.05.31. Alvi Hjelm bleiv nummar fýra við tíðini 2.08.13, sum er persónligt met.

Føroyskir svimjarar hava sostatt higartil vunnið trý gull og eitt bronsuheiðursmerki.

Í gjár vann Magnus Jákupsson gull í 100 m. rygg og Vár Erlingsdóttir Eidesgaard bronsu í 1.500 m. frí

Astrið Foldarskarð føroyskt met

Astrið Foldarskarð setti eisini nýtt føroyskt met í morgun. Tað kom í 50 metra frísvimjing. Tíðin var 27,19 sekund.

Tíðin rakk til eitt pláss í B-finaluni. Gamla metið á 27,21 sekund átti Astrið sjálv. Tað var sett í FM á langgeil í mars mánaði, skrivar svimjing.com

Tað ber til at lesa meira um avrikini hjá føroysku svimjarunum á svimjing.com