Venjarin hjá Atletico vístur av vølli

Tá støðan var 0-0 í dystinum millum Atletico og Malaga, skal hann hava lagt einum bóltdrongi lag á at kasta bóltin inn á vøll fyri at steðga Malaga í álopinum.

Simeone var sendur út til áskoðararnar at sita eftir hálvleikin.

- Tað er í lagi, at dómarin tók hesa avgerð, skal Simeone hava sagt eftir dystin, skrivar BBC.

Spenningur

Atletico vann dystin 1-0, men Simeone missir seinastu tríggjar dystirnar, sum eru móti Rayo Vallecano, Levante og Celta Vigo.

Atletico liggur á øðrum plássi í La Liga, og er javnt í stigum við Barcelona. Real Madrid er eitt stig aftanfyri hesi bæði liðini, og tí er øgiligur spenningur.

Nærkast Champions Leaguefinaluni

Men Atletico hevur annað at takast við eisini, - ígjárkvøldið spældu teir móti Bayern Múnchen í Meistaraligu-semifinaluni á heimavølli í Vicente Calderón. Simeone var við á síðulinjuni. 

Atletico vann dystin 1-0. Sostatt er felagið eitt stig nærri finaluni í Champions League. Saul Niguez skeyt málið.