Arbeiðið gongur eftir ætlan

Nevndin sum arbeiðir við eini fiskivinnunýskipan, væntar at verða liðug á ólavsøku, sum ætlanin hevur verið.

Allir partar ynskja eina nýggja skipan frá 1. januar í 2018, tá verandi skipan fer úr gildi, sigur Johnny í Grótinum, formaður í nýskipanarnevndini.

Atfinningar hava verið um arbeiðssetningin, men arbeiðið gongur sum tað skal, og almenningurin verður kunnaður í juni, sigur Johnny í Grótinum, formaður í nevndini, sum ger eina nýggja fiskivinnuskipan.