Tænastulógin kemur í Løgtingið næsta vár

Eyðgunn Samuelsen, landsstýriskvinna, hevur svarað Annika Olsen, løgtingskvinnu, sum eftirlýsti tænastulógini.

Fyri einum ári síðani varð ein arbeiðsbólkur settur at orða ein tænastupolitikk um vælferðartænastur á almannaøkinum. Sambært Anniku Olsen hevur arbeiðið drigið út.

SÍ EISINI Fyrrverandi spyr núverandi um tænastulógina

Tað viðgongur Eyðgunn Samuelsen eisini. Hon sigur, at arbeiðið er ein avbjóðing fyri Almannamálaráðið, sum í løtuni eisini arbeiðir við pensjónsnýskipan og markamótum til kommunala geiran.

Ætlanin er, at tænastulógin verður ein nýggj høvuðslóg, sum kemur í staðin fyri ásetingarnar í forsorgarlógini um tænastur sum til dømis stuðulsfólkaskipanin og bútilboð.

Ætlanin er samstundis at flyta ásetingar um eitt nú uppihaldsskyldu og afturgjaldsskyldu úr forsorgarlógini í aðra lóggávu, soleiðis at forsorgarlógin umsíðir verður sett úr gildi, sigur Eyðgunn Samuelsen.