Fáa flogfelag at hjálpa til við flúgvingini

Fáa flogfelag at hjálpa til við flúgvingini
Atlantic Airways hevur biðið eitt bretskt flogfelag um at hjálpa sær við flúgvingini, nú tvey av trimum flogførum eru tikin úr flúgving
Atlantic Airways hevur gjørt avtalu við bretska flogfelagið Titan Airways, sum skal hjálpa til við flúgvingini, nú tvey flogfør hjá Atlantic Airways eru tikin úr flúgving
 
23.05.2016 - 10:13

Seinkingar og avlýsingar darva framvegis flúgvingina hjá Atlantic Airways, nú tvey av teimum trimum flogførunum hjá felagnum standa still og ikki kunnu flúgva.

Atlantic Airways hevur tí gjørt avtalu við bretska flogfelagið Titan Airways um at hjálpa til við flúgvingini, sigur Rasmus Niclasen, ferðslusamskipari, við útvarpið.

- Tað er frá hósdegnum, at vit fáa trupulleikar. Vit eru í samráðingum við Titan Airways, sum eisini skal hjálpa okkum um vikuskiftið, sigur Rasmus Niclasen.

Atlantic Airways vónar, at bæði flogførini hjá felagnum, sum eru tikin úr flúgving í løtuni, eru aftur fyrst í næstu viku, og at flogferðslan tá kann halda fram sum vanligt.

Er kopiera
Nýggjastu sendingar í ÚV
Nýggjastu sendingar í SV
Týsdag 17. november
Dagur og vika við 3-2 - teknmálstulkað
216520
Mánadag 16. november
Veðrið
216486
Mánadag 16. november
Bygdarliv 4 – Eiði
216470
Sunnudag 15. november
Møti hjá Brøðrasamkomuni.
216442