Dagtilhald fyri minnisveik letur upp

Ta avgerðina tók Økistænastan hjá Skálafjarðarsamtakinum fyri tveimum mánaðum síðan, eftir at stríð hevði tikið seg upp um framtíðina hjá eldrasambýlinum.

Sambýlið á Skála skuldi lata aftur sum liður í at umskipa øll eldraøkini við Skálafjørðin.

Avgerðin hjá Skálafjarðarsamstarvinum elvdi til stóra misnøgd millum fólk á Skála, sum savnaðu undirskriftir inn fyri at varðveita sambýlið.

SÍ EISINI Seinasta orðið um heimið ikki sagt enn

Eftir at hava verið og vent í Runavíkar Býráð tók samstarvið málið upp til nýggja viðgerð og avgjørdi at gera sambýlið til eitt dagtilhald fyri minnisveik.

Ætlanin við dagtilhaldinum er at stuðla heimabúgvandi, ið hava fingið staðfest demenssjúku, til ein virðiligan, virknan og innihaldsríkin gerandisdag í góðum felagsskapi, so tey kunnu búgva heima sum longst, umframt at veita avvarðandi ein lætta, vegleiðing og stuðul.

Opið hús er í sambýlinum á Skála í dag frá klokkan hálvgum fýra til klokkan hálvgum seks.