Nordea meldað til løgregluna

Figgjareftirlitið hevur meldað størsta peningastovnin í norðurlondum, Nordea til løgregluna, tí bankin kann hava hvítvaskað pengar og fíggjað yvirgangsvirksemi.

Fíggjareftirlitið sigur, at tamarhald er ikki á peningastreyminum hjá bankanum, og tí er hann meldaður.

Fíggjareftirlitið sigur í eini fráboðan, at Nordea kann hava brotið lógina um at hvítvaska pengar, og tí er bankin meldaður.

Fíggjareftirlitið boðar samstundis frá, at Nordea hevur fingið átta krøv, sum bankin skal seta í verk.

Nordea sigur í eini fráboðan, at bankin er meldaður til løgregluna, tí bankin ikki skal hava hildið reglurnar í lógini um at hvít vaska pengar.
Bankin sigur seg vita um tað, sum Fíggjareftirlitið krevur, og sigur seg í samstarvi við myndugleikarnar vera farnan undir at broyta mannagongdirnar, so lógin um hvítvasking av pengum verður hildin.