Sjóverjan tikið fýra franskar trolarar

Sjóverjan tikið fýra franskar trolarar
Fiskiveiðietirlitið lýsti bráfeingis veiðubann tann 13. juni á leiðini eystanfyri Fugloynna, har Tjaldrið tók fýra franskar trolarar fyrr í dag
 
19.06.2016 - 15:27

Sjóverjan hevur tikið fýra trolarar undir fronskum flaggi, sum fiskaðu á stongdari leið eystanfyri Fugloynna í morgun. 

Fiskiveiðieftirlitið boðaði frá bráfeingis veiðibanni á leiðini tann 13. juni, tí nógvur ungfiskur var at síggja á leiðini, sigur Jóhan Simonsen á Fiskiveiðueftirlitinum.

Klokkan trýkorter til eitt í dag boðaði Tjaldrið løgregluni frá, at tað var á veg inn við fýra trolarum, sum fiskaðu undir fronskum flaggi - tvey pør, sum partrolaðu á stongdu leiðini.

Skipini koma eftir á havnina klokkan 17 seinnapartin og málið verður tá handað løgregluni, sum ger neyðugu kanningarnar.

Fiskiveiðieftirlitið hevur fylgisveina-eftirlit við skipunum, og varnaðist tískil tíðliga í morgun, at skipini fiskaðu ólógliga. Haraftrat fingu teir okkurt tippið, men tá var Tjaldrið longu á veg út á stongdu leiðina, sigur Jóhan Simonsen, frá VØRN.

Skiparirnir umborð á trolarunum eru franskmenn, men okkurt bendir á, at tað eru føroyingar og hollendarar, sum eiga skipini, upplýsti vakthavandi á politistøðini fyrr í dag.

 

Er kopiera
Nýggjastu sendingar í SV
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592
Týsdag 17. november
Veðrið
216565
Týsdag 17. november
Dagur og vika við 3-2 - teknmálstulkað
216520