Landsstýriskvinna: Dálkandi kommunur kunnu revsast

Tað er ikki í lagi, at so nógvar kommunur framvegis ikki hava fingið síni kloakkviðurskifti í rætt lag, hóast lógin ásetir, at tað skuldi vera í lagi í 2015.

Tað heldur Sirið Stenberg, landsstýriskvinna í umhvørvis- og kommunumálum.

Samstundis má politikarin viðurkenna, at hon sjálv hevur sitið í býráðnum í Vági, har kloakkviðurskiftini hava verið serliga vánalig í fleiri ár.