Mugu játta meira pening

Fíggjarnevndin hevur fund í næstu viku. Tá verður umbønin frá stjórnini um fleiri pengar viðgjørd. Ábyrgdin av málsøkinum er flutt frá Uddannelses- og Forskningsministeriet til Energi-, Forsynings- og Klimaministeriet.

Pengarnir verða brúktir til at eyðmerkja landgrunsleiðirnar, ið skulu brúkast í krøvunum til ST um nýggjan landgrunn. Danmark hevur fimm slík krøv, tvey fyri Føroyar og trý fyri Grønland.

Neyðugt er nú at játta fleiri pengar í 2016, so arbeiðið ikki steðgar. Hildið verður eisini, at neyðugt verður at hækka játtanina hálva aðru millión krónur árini 2017-2020.