Hitaloysnin á Glasi vorðin ein trúarspurningur

- Hitaloysnin til Glasir er vorðin ein spurningur um trúgv.

Tað sigur forkvinnan í fíggjarnevndini hjá løgtinginum, sum síðsta mánaðin er undirdíkt í tekniskum frágreiðingum um, hví ávíkavist jarðhiti ella fjarhiti er besta loysnin.

Nú hevur nevndin fingið eitt felags tilmæli, har mælt verður til at brúka BÆÐI jarðhita og fjarhita.

- Og knappliga eru ongar útrokningar fyri nøkrum sum helst, staðfestir Ruth Vang, sum tí hevur ilt við at sleppa málinum aftur.