Nobelnevndin framvegis einki hoyrt frá Dylan

Nobelnevndin framvegis einki hoyrt frá Dylan
Framvegis frættist einki frá Bob Dylan, sum hósdagin í síðstu viku, 13. oktober, fekk bókmentavirðisløn Nobels
 
22.10.2016 - 16:58

Svenska Nobelnevndin hevur ikki fingið fatur á 75 ára gamla Dylan, sum heldur ikki hevur givið seg til kennar.

Dagin eftir at hann hevði fingið virðislønina varð staðfest á Twitter kontoini hjá Dylan, at amerikanski sangarin og sangskrivarin hevði fingið hendan heiður. Seinni stóð eisini at lesa á einari av almennu heimasíðunum hjá Bob Dylan um heiðurin, men tey tíðindini vórðu strikað í gjár.

Nú gevur ein av limunum í Nobel-nevndini ilt av sær.

-Ja, hvat skal ein hugsa. Sigast kann, at tað er bæði óhøviskt og arrogant, sigur svenski rithøvundurin og Nobelnevndarlimurin Per Wæstberg við SVT.

Sambært Wæstberg kemur tað ikki óvart á, at tíðindini um Nobelvirðislønina nú eisini eru strikað á heimasíðu Dylans.

-Hann tykist sera tvørur, so tað kom ikki óvart á, sigur Per Wæstberg, sum enn ikki veit, um Bob Dylan verður hjástaddur tá Nobel virðislønin fyri bókmentir verður handað í Stockholm 10.desember.

-Vit bíða og fáa at síggja. Antin kemur hann, og so er hann vælkomin. Ella kemur hann ikki, og so mugu vit gera okkurt annað. Óansæð, so hevur hann vunnið Nobelvirðislønina í bókmentum, sigur Wæstberg.

Við heiðrinum fylgja átta milliónir, svenskar krónur. Og Nobelnevndin veit heldur ikki, um Bob Dylan vil taka ímóti pengunum. 

Í 1961 noktaði franski rithøvundin Jean Paul Satre at taka ímóti Nobel virðislønini fyri bókmentir. Tað gjørdi hann av prinsipiellum ávum.

Er kopiera
Nýggjastu sendingar í ÚV
Leygardag 21. november
Jambalaja - 211126
216767
Leygardag 21. november
Upp á tá - 201126
216763
Fríggjadag 20. november
Vikuskiftið 20 nov 2026
216752
Fríggjadag 20. november
LEITISSTEIN 20.11.2026 (Linda Andrews)
216750
Fríggjadag 20. november
Breddin: Leigubústaðir og skattafyrimunir
216730
Nýggjastu sendingar í SV
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592