Innsavningin liðug

Innsavningin í Íslandi til frama fyri føroyingar eftir ódnirnar á jólum í fjør er nú liðug. Inn komu tað, sum svarar til 350.000 krónur í okkara pengum.

Pengarnir verða latnir føroyska sendimanninum í Íslandi 3. februar. Tey, sum stóðu fyri innsavningini, hava sagt, at pengarnir fara til bjargingarfeløgini í Føroyum.

Bjargingarfeløgini mistu samskiftisútgerðina, sum stóð á Sornfelli. Hon var ikki tryggjað. Innsavningin var á facebook-síðuni, sum eitur Færeyingar og íslendingar eru frændur.