Tvey lið í Italia

Tvey lið í Italia
Tvey ferðaløg úr Føroyum eru í hesum døgum í Padua í Italia, har altjóða kapping í estetiskum fimleiki er um vikuskiftið.
Team Hydra er eitt av føroysku liðunum, sum kappast í Padua
Mynd: Haldur Suni  
 
31.03.2017 - 13:23

Talan er um unglingaliðið hjá Støkk, Vípan, og kvinnuliðið hjá Fimleikafelagnum Ljósið, Team Hydra, sum leygardagin skulu kappast við bestu lið í heiminum um møguleikan at koma í finaluna sunnudagin. Kvinnurnar kappast í World Cup kapping, meðan unglingarnir kappast í Challenge Cup.


Mynd Haldur Suni

Kappingin eitur III Mediterranean Countries Open AGG, og verður hildin í Padua í Italia. Til ber at fylgja við live stroyming av kappingini á hesari síðuni

 

Kappingin hjá unglingum og kvinnum byrjar klokkan 15 leygardagin og er skipað á tann hátt, at unglingar og kvinnur skiftast um at vera á gólvinum. Vípan skal á gólvið sum nummar 6 av unglingaliðunum, og Team Hydra skal á gólvið sum nummar 26 av kvinnuliðunum.

 

Umframt at vera umboðað við einum unglingaliði og einum kvinnuliði, so eru Føroyar eisini umboðaðar av tveimum dómarum á ferðini. Elna Johannesen og Beinta Danielsen eru longu í gongd í Padua, tí í døgunum undan kappingini er dómaraskeið á skránni, og hesum skeiði luttaka tær á, áðrenn tær skulu døma um vikuskifti.
 

Er kopiera
Nýggjastu sendingar í ÚV
Nýggjastu sendingar í SV
Týsdag 18. februar
Veðrið
187962
Sunnudag 16. februar
VÍF - Kyndil, menn
187840
Sunnudag 16. februar
Guðstænasta úr Havnar kirkju
187829
Leygardag 15. februar
2. hálvfinala hjá monnum: H71 - KÍF
187825
Leygardag 15. februar
H71 - Neistin, kvinnur
187824

Meira um sama evni