Føroyskar kvinnur liva longur

Hjá monnum er miðalaldurin farin átta ár upp. Kvinnur liva nú í miðal 84,7 ár og menn 79,9 ár, upplýsir Hagstovan.

Fyri 30 árum síðani livdu kvinnurnar í miðal næstan sjey ár longur enn menninir. Nú er munurin minkaður niður í knappliga fimm ár.

Samanbera vit lívsævina í Føroyum við 45 lond í Europa eru føroyingar ovarliga, serliga kvinnurnar.

Menninir eru á níggjunda plássi og kvinnurnar á sætta plássi. Í Norðurlondum liva føroysku kvinnurnar longst.