Reiðarar skulu kunna revsast

Sjey løgtingsfólk úr samgonguni og andstøðuni biðja Løgtingið broyta lógina um serstakar treytir fyri fiskiskapi eftir makreli, norðhavssild og svartkjafti og botnfiski í Barentshavinum í 2017, sum kom í gildi 1. januar.

Tey vilja hava við í lógina, at tann, sum brýtur ásetingina í lógini um føroysku sáttmálarnar, skal revsast við sekt ella fongsli upp í tvey ár.

Er brotið framt av stórum gáloysni, er revsingin sekt ella, tá skerpandi umstøður er, fongsul upp í fýra mánaðir.