Sjálvboðin tóku fleiri tons av burturkasti upp

Tey gingu ikki tómhent - tey 45 sjálvbodnu fólkini, sum leygardagin tóku seg saman og tóku alt ruskið, sum lá og rakst á Trongisvágsbotni í Suðuroy, upp.

Sí video og myndir niðanfyri

Tað bleiv upp í 55 rusksekkir av burturkasti, umframt ymiskar størri lutir, sum tyrla kemur at taka upp seinni. Til dømis ein aliring, skrivar umhvørvisátakið, Ringrás, á Facebook.

Greinin heldur fram niðanfyri

Video: Soleiðis sá Trongisvágsbotnur út áðrenn ruddingina

- Hetta var allarhelst Føroya størsta ruddingartiltak, skrivar Ringrás, ið hevur sett sær fyri, at varpa ljós á og miðla boðskapin um dálking ymsa staðni í Føroyum.

Niðanfyri her síggjast myndir frá ruddingarátakinum leygardagin, sum umhvørvisátakið, Ringrás, hevur lagt á facebooksíðuna eftir ruddingarátakið um vikuskiftið.