Samkynd kunnu skjótt giftast

Boðini eru send heilsu-og innlendismálaráðnum, ríkisumboðnum, borgarstjórunum í Føroyum, Føroya Kommunufelag og sýslumonnunum í Føroyum.

Í boðunum stendur, at frá 1. juli kunnu borgarstjórarnir í Føroyum og sýslumenninir í Føroyum víga samkynd.

Danskir myndugleikar góðkent broytingar

Tað vil siga, at danskir myndugleikar hava góðkent broytingina, sum Løgtingið fyrr í hesum mánaðinum samtykti í hjúnarbandslógini.

Sirið Stenberg, landsstýriskvinna, kunngjørdi jerfyri samtyktina um lógarbroytingina í Kunngerðarblaðnum, eisini at koma í gildi 1. juli.

Nú hava so donsku myndugleikarnir gjørt tað sama. Í skrivinum frá danska Barna- og almannamálaráðnum verður sagt, at neyvari kunning kemur sum skjótast.