Aftur til gamla bygnaðin á Føðideildini

Farið verður aftur til bygnaðin á Føðideildini, sum hann var áðrenn 1. apríl í ár. Tað boðar leiðslan á Landssjúkrahúsinum frá.

Frameftir verður tað leiðandi ljósmóðirin, sum hevur evstu ljósmøðrafakligu ábyrgdina og avgerðarrættin, og er partur av depilsleiðsluni á Skurðdeplinum tá talan er um ljósmøðrafaklig viðurskifti.

Deildarljósmóðir og deildarsjúkrarøktarfrøðingur leiða dagliga virksemið á Føðideildini við tilvísing til depilsleiðsluna, íroknað ta leiðandi ljósmóðurina, verður sagt.

Haraftat skulu hølisumstøðurnar hjá fakbólkunum á Føðideildini gerast mundandi betri, sigur Landssjúkrahúsið.