Torført at fáast við grindina so hon varð slept

Grindin, sum Brimil fann hálvan fjórða fjórðing vestur úr Sumbiarhólmi um sekstíðina í gjárkvøldið, slapp.

Grindin var ring at fáast við, hon kavaði illa, og hon gekk í fleiri bólkum.

Teir gjørdu tó sítt besta at reka hana til Fámjins og vóru komnir stívliga hálva leið.

Men tá teir vóru átta fjórðingar vestur úr Vágseiði við grindini, varð avgjørt at gevast. 

Rákið var ikki við teimum, og myrkur kom eisini á teir.

Tíggju bátar vóru hjá grindini, sigur Jaspur Vang, sýslumaður.