Nú verða færri bilar innfluttir

Seinastu árini hevur stórur vøkstur verið í innflutninginum av akførum, men nú verða færri bilar innfluttir.

Fyrstu sjey mánaðirnar í ár vóru 81 færri persónbilar innfluttir enn somu tíð í fjør, vísa hagtøl hjá Akstovuni-

Frá januar til juli vóru 1193 nýggir persónbilar fluttir inn. Somu tíð í fjør var talið 1274. Afturgongdin er góð seks prosent.

Tilsamans eru 52 færri akfør innflutt í ár enn í fjør, 1653 í ár og 1705 somu tíð í fjør.

Afturgongdin er góð trý prosent.