Fæst norðoyingar arbeiðsleysir

Minsta arbeiðsloysi í Føroyum er í Norðuroyggjum, og mesta arbeiðsloysi er í Suðuroynni.

Arbeiðsloysi í Norðuroyggjum var í juli 1,3 prosent, og í Eysturoynni er tað 1,4 prosent. Hinvegin var arbeiðsloysi 6,5 prosent í Suðuroynni. Ein orsøk er uttan iva eldsbrunin á uppsjóvarvirkinum Varðanum Pelagic tann 9. juni, har virkið brendi niður, sigur Hagstovan á heimasíðuni.

Annars er arbeiðsloysi lágt í Føroyum, í juli var árstíðarjavnaða fulltíðararbeiðsloysið 2,5%, sæst á heimasíðuni hjá Hagstovuni.