Ymiskar fatanir av vanlukkuni

Sjófrágreiðing um vanlukkuna, tá farmaskipið Mykines og glastrevjabáturin Mars stoyttu saman í Skopunarfirði, gav einki greitt svar, hví manningin á Mykinesi og menninir í bátinum ikki varnaðust hvønn annan, fyrr enn ov seint var.

Skiparin á Mykinesi segði, at báturin sást ikki.

Maðurin, sum varð bjargaður av Mars, segði, at báturin var væl útgjørdur, og at øll útgerð varð tendrað.

Danska havarínevndin kannar vanlukkuna fyri Sjóvinnustýrið.

Havarínevndin sigur við sjónvarpið, at tað fer væntandi at taka einar tríggjar ella fýra mánaðir at skriva frágreiðing um hendingina.