Fíggjarlógin 2018 skal fyri løgtingið í vikuni

Fyrsti oktober er sunnudagin um eina viku, og tí skal uppskotið um fíggjarlóg 2018 leggjast fram í seinasta lagi í hesi vikuni.

Løginsskrivstovan skal hava uppskotið tríggjar yrkadagar, áðrenn tað verður lagt fyri løgtingið, so umsitingin kann eftirkanna uppskotið. Tað vil siga, at fíggjarmálaráðið skal vera liðugt við uppskotið í seinasta lagi týskvøldið á miðnátt.

Sonja Jógvansdóttir, uttanflokka tingkvinna, sum er 17. atkvøðan hjá samgonguni, segði fyrr í vikuni, at hon hevur nøkur krøv til fíggjarlógina. Hon segði, at fyritíðarpensjónirnar skulu hækka 3000 kr. komandi tvey árini. 

Uppskotið til fíggjarlóg skal verða samtykt innan árskiftið, tí nýggj fíggjarlóg kemur í gildi fyrsta januar.