Søguligt hóttanarstig í Bretlandi

- Vit síggja, at vandin fyri yvirgangsálopum er størri nú enn nakrantíð. Vit fáa oftari hóttanir nú, enn hava sæð tey 34 árini eg havi arbeitt her. Í dag er størri yvirgangsvirksemi, og tað rakar okkum oftari, og tað er torført at avdúka, sigur stjórin fyri fregnartænastuni.

Onnur lond í Evropa, m.a. Frakland, Belgia, Týskland og Spania, hava upplivað somu økin í hóttanarstiginum, sigur Parker.

- Við øllum tí, sum er hent og tí sum ikki er hent í 2017, er greitt, at vit stríðast móti ógvusligari yvirgangshóttan frá víðgongdum islamistum. Hóttanin frá víðgongdum islamistum, sum er fleir-dimensjonal, og sum mennir seg skjótt og nú er á eini stigi, sum vit ongantíð hava sæð áður, segði Parker í talu síni í London í gjár.

        Trýst her: Andrew Parker, stjóri í MI5, heldur talu.

MI-5-stjórin sigur, at tey í løtuni kanna 500 mál, sum hava samband við yvirgang, og 3000 persónar, sum hava tilknýti til viðgongdar felagsskapir.

Hann sigur, at MI5 hevur forðað 20 yvirgangsatsóknum seinastu fýra árini, og upp-aftur-fleiri vórðu av ongum, tí vit og løgreglan løgdu upp í. Talið av handtøkum í sambandi við yvirgang er met-høgt: Bara í fyrra hálvárið í ár eru 379 handtøkur framdar í sambandi, sigur stjórin.

Hann stúrir fyri, at nógv kortini sleppa undir radaran hjá MI5. Hann vísir á m.a. bretskar ríkisborgarar, sum koma heimaaftur eftir at hava verið í kríggi fyri IS í Sýria og Írak, skrivar NTB.