Nógv færri og størri jarðarstykki á Strondum

Jørðin á Strondum er nú í okkurt um 1.000 lutum.

Útskiftingin innangarðs kom í gildi í gjár, upplýsir Umhvørvisstovan.

Jørðin er nú í størri lutum, tí fyri útskiftingina vóru 2.300 jarðarstykki innangarðs á Strondum.

Matrikul og tingbók verða nú førd samsvarandi. Hetta arbeiðið verður liðugt um tríggjar vikur.

Eftir er at seta nýggju markini av á staðnum. Tað arbeiðið byrjar væntandi í komandi viku.

Sjóvar kommunan hevur í sambandi við útskiftingina ognartikið lendi til útbyggingar.

Hugsað er eisini um Eysturoyartunnilin.